情人節特備節目之動物大遷徙

話說情人節半夜比人拍醒，返醫院成功救左個初生BB。返去訓得幾個鐘，就返病房進行大掃除。 這裡的大掃除係我今次任務的其中一個重點環節，徹底的程度比香港有過之而無不及。我地搬晒D病人出去帳蓬，徹底地由天花板抹到落地下，（話時話我真係未見過醫院個病房有人抹度牆），然後再噴上防蚊的噴劑在牆上，絕對係黎左咁耐最大笨象的一次。見到佢地搬開個櫃掃出D前朝遣物的時候，少不免有D成功感。 本來預計係搬的過程中，因為病人要暫住環境較為惡劣的帳蓬，而可能有人會病情惡化，好彩最後都無發生。 搞左兩日，搞到腰酸骨痛。 我懷疑選擇係情人節搞呢D大笨象既人，唔係討厭情人節的極端份子，就是一個希望投入工作以排解寂寞的可憐蟲，不過有人同我講決定果個人好似係黎自香港既。