人性的光煇

今日既一連串不如意事件，由發電機壞左，洗完頭先發現無得吹頭，濕住個頭去gel頭開始。心情雖然壞透，但係正所謂日子難過日日過，要讓日子繼續好好過，唯有在生命裡面找亮點。 修女係我地的常客，她經常會帶不同的BB來睇病。她和幾個志趣相投的修女，一起在鄉村成立了類似孤兒院的地方，義務照顧同埋養育被人遺棄的小朋友。 鏡頭裡的Peter，笑得很開朗，但是佢同好多人唔同，佢係無老豆既，而媽媽是一個精神病患者，有一日拎住菜刀想斬死Peter，有好心人係刀口下救了Peter一命，並將佢交托比修女。 Peter今次唔係呢度病人，只係修女要同時係度照顧一個嚴重營養不良的小朋友，所以Peter先會係度。Peter比我上次見到佢既時候肥左好多，佢個嘴唇總讓我想起《Slam Dunk》裡面的魚住。同好多無老豆阿媽的BB一樣，Peter都係好痴生保人即係我，唔駛熱身已經可以玩到好熟咁。 修女每次黎到總係好多小朋友圍住佢（即係佢同時要照顧好多小朋友），每次我見到佢同小朋友沖涼、餵奶、清理大小二便，我總覺得佢頭上面有一個光環，對比起修女呢D不斷無條件的付出，呢一種大愛，我真心覺得自愧不如。 今日當我好失落咁坐係度發呆的時候，係修女抱住Peter走過黎同我講︰「You did very good already！」 果一刻雖然明知佢係鼓勵我，即係其實佢都唔知咩叫good咩叫bad，但果一個moment，還是感覺到一陣溫暖。